Leku-izenak

(...)
Ikus Johannes Hubschmid, "Toponimía prerromana", op. cit., 468-470 orr., eta Corominas DCELC. Lehenengoak posibletzat hartzen du zeltikoko *kala.'gordelekua' hitzetik etortzea, frantsesezko chalet legez, eta alba bezalatsu 'gaztelua, leku indartua' zentzuan erabili izatea garai zaharrotan. Artean bigarrenak hitza zaharragotzat hartu izan du. // H. Schuchardt-ek, "Iberische Personennamen", RIEV, 111 (1909), 240orr. "Burg-rote" ("Rotenburg") bezala hartzen du, lehenago ere seinalatu izan zenez, hau da, 'gaztelu gorri'. // L. Mitxelena-k bere Apellidos Vascos delakoan –hirugarren edizioa Donostian argitara da 1973-garrenean– ez du ontzat hartzen Calagurris = Garagorri ekuazioa eta garo hitzean pentsatzen du Iragorri eta Irazagorri direlakoekin konparatuz. Edizio horri, ordea, eraskin batean gar, gara, gari eta garo direlakoez izkribatu zuena ez dela batere zigurra gaineratzen dio, nº 256 eta 265. // Menéndez Pidal-ek seigarren notan aipatu den lanean beste bide bat onetsi zuen, Calagurris delakoaren bukaerak uri euskal hitzaren gisako zerbait zuela esanik, baina hitz horren era zaharra *hili I *huli formen antzeko zerbait zela pentsatu behar dugunez gero proposamendu hori erori egiten da
(...)