Pertsona-izenak

Ibargoitin (Nafarroa) zegoen Andre Mariaren monasterioa. Lehendabiziko aipamena 991. urtekoa da, Antso II. Gartzeitz erregeak eta honen arreba Totak Leireri eman ziotenekoa. Monasterioa desagertzean dermioa Idotzin eta Altzorritz (Nafarroa) herrien artean banatu zen.

Soledad (es)

Ostiral Santuko Andre Mariaren adbokazio honek semea hildakoan amaren bakartasuna gogoratzen digu. Izena Deun-ixendegi euzkotarra (Arana eta Eleizalde, 1910) lanean proposatu zen, oinarritzat bakar hartuta. Honen hipokoristikoak Bakartxo eta Xole ditugu.

Bakarne izenaren ohiko txikigarria.

Paz (es)

Deun-ixendegi euzkotarra (Arana eta Eleizalde, 1910) lanean Baco izenaren femeninotzat agertzen da Bake. Bakea izenaren aldaera ere bada. Ikus Bakea.

Paz (es)

Augustoren garaian hasi zen Erroman Bakearen alderako kultua. Vespasianoren denboran garrantzi handia izan zuen, hainbeste non epaile, bestal eta apaizek parte hartu behar baitzuten uztailaren 4an egiten zen jaian. Beranduago kristauek Bakearen Andre Maria izendatu zuten, jaia berenganatuz. Kristau jaia urtarrilaren 24an da. Aldaerak: Bakea, Bakene eta Gentzane.

Paz (es)

Sabino Aranaren bideko -ne atzizkia erabiliz sortutako izena, oinarritzat bake harturik. Ikus Bakea.

Balbina (es), Balbine (fr), Balbina (en)

Erromako Balbinus familia izenetik eta hau balbus 'hitz totela' hitzetik. Kartzelan zegoen Alexander aita santuak bozio gaixotasuna sendatu zionean kristautu zen Santa Balbina (II. m.), eta horregatik eritasun hori sendatzeko berari eskatzen zaio. Santuaren eguna martxoaren 31n da.

• 66. araua: Santutegiko izen ohikoenak (2019)

Valentina (es), Valentine (fr)

Deun-ixendegi euzkotarra (Arana eta Eleizalde, 1910) lanean proposatutako izena. Ikus Balentina.