Pertsona-izenak

Arin adjektiboan oinarriturik sortutako izena, Sabin Aranaren bideari jarraikiz.

Errioxako Andre Mariaren adbokazioa. Osagaiak haritz dendronimoa eta toponimian ugaria den -eta atzizkia dira. Gogoan izan behar da luzaz euskara izan dela erkidego horretako alderdi bateko hizkuntza. Merino Urrutiari esker badakigu, adibidez, Ojacastroko (Errioxa) bizilagunek XIII. mendean, atxilotuz gero, euskaraz mintzatzeko eskubidea zutela: '... el ome de Oia-Castro si le demandase ome de fuera de la Villa o de la Villa que el recudiese en vascuence'.

Erdi Aroko emakume izena. Iruñean agertzen da, XIII. Mendean: Arixen femina.

Erdi Aroko izena. Nafarroan 1274. urtean 'Dona Ariçia mia muiller' ageri da.

Arabako herria eta Andre Mariaren eliza. Herriaren lehenengo aipamena 1226koa da. Eliza XVI. mendean berritu zuten, baina XIII. mendeko eta lehenagoko aztarnak ere baditu. Ponte harria Arabako ederrenetakoa da.

Kanpezu (Araba) eta Zuñiga (Nafarroa) herrien artean dagoen ermita. Mendekoste egunean prozesioan joaten ziren bertaraino. Jaia iraileko azken igandean egiten da.

Azkoienen (Nafarroa) dagoen Andre Mariaren elizattoa eta benta. Berez XIII. mendean hustu eta XX.enean birpopulatu zen herriko eliza dugu; lehendabiziko aipamena 1087. urtekoa da. XIX. mendearen erdialdean hondakinak baizik ez ziren gelditzen; irudia Faltzesa (Nafarroa) eraman zuten. Pirinioetan ere bada Arlas izeneko mendia (2.044 m), Biarnoko mugan.

Izen honetako bi leku daude Euskal Herrian: Gasteizko (Araba) santutegi ezaguna eta Andre Mariaren eliza duen Trebiñuko herrixka. Armentiako San Prudentzioren santutegi ezaguna erromatarren garaiko herri baten aztarnen gainean dago kokatua. IX. mendetik XI.era apezpikutegia izan zen.

Zuhatza kontzejuko Andre Mariaren ermita, Aiaran (Araba), eta Lemoizko (Bizkaia) arrantzale auzoa. Plentziako hiri-gutunean, XIII. mendean, Armintzako biztanleak baleak harrapatzen aritzen zirela adierazten da.

Andre Mariaren antzinako ermita, Andetxan (Araba), azken urteetan hilerriko kapera zena. Aireportua egitean ermita bota eta irudi erromanikoa Done Mikelen elizara eraman zuten.