lotura
1 iz. Bi gauza, bereziki bi gauza abstraktu, elkarrekin lotzen dituen gauza; bi gauza edo gehiagoren arteko harremana. Ik. lokarri. Loturak urratu. Gorputzaren eta arimaren lotura hertsia. Esaldiaren osagaien arteko lotura. Bekatuaren loturatik askatzeko. Euskara eta euskal herritar sentimenduaren arteko lotura hori euskaldunek eta zaharrek dute argien. Modaren eta anorexiaren arteko loturaz. Edozein kasutan, badirudi bi gauzen arteko lotura dagoela. Horien arteko loturak sortu nahi ditugu. 2 iz. Oihalezko zerrenda, gorputzeko atalak inguratuz, zauri, mailatu edo hausturak lotzeko edo estaltzeko ezartzen dena. Ik. benda. Eskuineko belauna lotura batez inguratua du. Zauriak berak lotzen zituen, oihalak eta loturak berak garbitzen. 3 iz. kim. Konposatu kimiko baten atomoak loturik iraunarazten dituen indarra. Karbono-karbono loturak dituzten konposatuak. Beste lotura mota bat sortzen da elektroia 1. atomotik 2. atomora erabat transferitzen denean.
4 iz. inform. Esteka. Ekoizle guztien webguneen loturak aurki daitezke bertan. Horretarako, egin klik honako loturan.