Hegoaldean, dio aditza da, pertsona bati dagokionean (Emakumea, sinets iezadazu!), eta Iparraldean, du aditza (Emakumea, sinets nazazu!). Erabilera normalean, du aditza da: Sinesten dituzu egia hauek? Eta askok sinetsi zuten harengan. Sinistu forma ere zuzena da (ez, ordea, sinestu), baina txikiagoa du hedadura (Bizk. eta Gip.).
Euskalkien araberako dio/du erregimen bikoitzak aditz hauetan ere ageri dira: abisatu, aditu, bakean utzi, deitu, entzun, lagundu, ohartarazi, segitu eta urgatzi. Bi moldeak (dio/du) ongi egonik ere, ez da komeni testu berean modu nahasian erabiltzea. [EH]