Ekialdeko euskalkietan erabiltzen den -rat kasu-atzizki adlatiboa (NORA kasua) egokia da euskara estandarrean ere: mendirat, etxerat... Erabiltzen da adizkiekin ere: egiterat, jaterat, jolasterat...
Oharra: Horrek ez du esan nahi, ordea, estandarrean egokia denik kolore guztietako erabilerak nahastea. Ez da egokia, esaterako, mendebaldeko euskaran idatzitako testu batean, non, adibidez, barik, ostera, berba... agertzen diren, norat, bortz, izanen, heldu den urtean... eta gisakoak sartzea; berdin da desegokia alderantziz ere.
EUSKALTZAINDIA (1979). Euskera, XXIV (633-657).
— ““Nora/zertara” adieraztea: -ra/-rat (mendirat, etxerat; egiterat, jaterat)”, Jagonet galde-erantzunak.