Hain... ezen/non egituraren parekoak dira , hainbeste... non/ezen gisakoak ere. Ez da zuzena *Hainbeste diru galdu du, ez dakiela emazteari zer esan. Beste molde hauek dira zuzenak: hainbeste... (non/eze(n))... bait-/-(e)n.
Menderakuntzaz:
a) Hainbeste diru galdu du, non ez baitaki emazteari zer esan.
b) Hainbeste diru galdu zuen, ezen ez zekien emazteari zer esan.
c) Hainbeste diru galdu du, non ez dakien emazteari zer esan.
d) Hainbeste diru galdu zuen, ezen ez baitzekien emazteari zer esan.
Alborakuntza soilez:
f) Hainbeste diru galdu du, ez daki emazteari zer esan.
g) Emazteari zer esan ez daki, hainbeste diru galdu du.
EUSKALTZAINDIA (2016). Euskaltzaindiaren Hiztegia. Bilbo: Euskaltzaindia (hain sarrera).
—(1999). Euskal Gramatika. Lehen Urratsak V (EGLU V). Bilbo: Euskaltzaindia (445-464).
— “Ondorioa adieraztea: hain… bait-… (hain da handia, ez baita atetik sartzen)”, Jagonet galde-erantzunak.
— “Ondorioa adieraztea: hain (hain handiak ditu eskuak, ez zaizkio patriketan sartzen)”, Jagonet galde-erantzunak.
— “Ondorioa adieraztea: hain (hain da handia, non ez baita atetik sartzen / *ez dela atetik sartzen)”, Jagonet galde-erantzunak.