Hiru hitz dira. Ganbera ganbera-musika, ganbera-orkestra, diputatuen ganbera eta merkataritza-ganbera esateko erabiltzen da, eta logelaren sinonimo gisa ere bai (Ipar.). Kamera, berriz, ‘zinema-, fotografia- edo telebista-irudiak hartzeko tresna’ da. Eta ganbara, bestalde, ‘baserriko teilatupeko solairua da, aletegi gisa erabiltzen dena’; edota, ‘etxeetan, goieneko solairuan dagoen trastelekua’. [EH]