Galdegaia seinalatzeko erlatibozko itzulietara jotzeko joera dute gure bi auzo-erdarek. Estilo-liburu gehienen iritziz, ordea, euskal hitz-ordenaren ohiko jokoari eustea aski da horrelakoetan. Erlatiboaren bidez emanikoa ere zuzena da berez, baina galdegai-sistema arruntaz baliatzeak perpausa asko arintzen du:

▼Zu izan zara puskatu duzuna/duena? // Zuk/Zeuk puskatu duzu?

▼Ni izan naiz ekarri duena/dudana // Nik/Neuk ekarri dut.

▼ Messi izan zen lehen gola sartu zuena // Messik sartu zuen lehen gola.

▼Hasi baino ez da egin sagardotegi-denboraldia, eta dagoeneko pertsona asko dira Astigarraga aldera jo dutenak // Hasi baino ez da egin sagardotegi-denboraldia, eta dagoeneko jende askok jo du Astigarraga aldera.

Komeni da erreparatzea, bestalde, (→ -(e)la/-(e)na) sarreran adierazten diren oker eraikitako erlatiboei.