Galdetzailea da zergatik, eta, hartara, ez da egokia erantzunetan erabiltzeko, ez baiezko ez ezezko erantzunetan. Galdetzaile horri dagokion erantzuna galdegaia denez, -(e)lako egitura dagokio normalean:
—Zergatik zoaz? *—Zergatik bai! (> —Nahi dudalako).
—Zergatik ez zoaz? *—Zergatik ez! (> —Ez dudalako nahi).
Onargarriak dira, jakina, beste aukera hauek ere:
[—Zergatik zoaz?] —Hargatik/—Horregatik...
Ezezko modura emaniko galderetan, badu tokia:
—Bihar ez naiz lanera joango.
—Zergatik?
—Zergatik ez [naiz joango, ba]?