Zuretzat ala zuretzako? Deklinabide batuko formak eman zirenetik ez da ezer esan auzi honetaz. Biak zuzenak dira. Gramatikaren ikuspegitik, -tzat adizlaguna da (Lagunarentzat ireki dut bidea) eta -tzako izenlaguna (Lagunarentzako bidea irekia dago). Oso hedatua dago -tzako adizlagun moduan erabiltzea (Lagunarentzako ireki dut bidea).
Euskalki batzuetan -dako erabiltzen da bi moldeetan: lagunarendako ireki, lagunarendako bidea; medikuarendako txanda, hezurrendako gogorra; Soinu horiendako ez da grafema berezirik asmatu.
EUSKALTZAINDIA (1991). Euskal Gramatika. Lehen Urratsak I (EGLU I). Bilbo: Euskaltzaindia (262).
— ““Norentzat” adieraztea: -tzat/-tzako (zuretzat/zuretzako) ”, Jagonet galde-erantzunak.