Baliokideak dira askotan (tarta guztia jan du = tarta osoa jan du), baina ez beti (ardo guztia edan du / *ardo osoa edan du). Badirudi elementua zatigarria denean direla baliokide; bestela ez: tarta zatigarria da, ardoa ez. Baina ardo edo ur eta tankerakoak ere, neurri-sintagma batean, zuzenak dira: Ur osoa gain behera isuri dio.
Honako hitz hauek zatigarriak dira, eta, beraz, bai guzti, bai oso onartzen dituzte (tradizioan guzti gehiago erabili izan da): goiz, bizi(tza), udaberri, mundu...
Baina gauza abstraktuez mintzatuz, oso erabiltzen da: Isiltasun osoa zegoen. Barkamen osoa eman. Ezaguera osoan zegoen. Simetria ez da osoa. Euskaldun oso dei zekiokeen edozeini. [EH]
Ikus sarrera hau ere:
.
EUSKALTZAINDIA (1991). Euskal Gramatika. Lehen Urratsak I (EGLU I). Bilbo: Euskaltzaindia (154).
— “Kuantifikazioa adieraztea: guzti/oso (egun guztia/osoa, bizi guztia/osoa)”, Jagonet galde-erantzunak.
PETRIRENA, Patxi (2011). Morfosintaxiaren inguruko zalantzak eta argibideak. Gasteiz: Ikasmaterialen Aholku Batzordea (EIMA)-Eusko Jaurlaritza (148-149).