Arruntak dira ekialdeko hizkeretan honelako egiturak: Ez du esan etorriko den. Ez dirudi etorriko den. Badut beldurra giroa oraino okertuko den. Ez du uste etorriko den. Badaiteke Mikel ez den zuk diozun bezain gaztea. Beraz, ezin dira txartzat eman euskara batuko erabileran, nahiz eta hedatuagoak edo arruntagoak izan bestelako menderagailu batzuk: Ez du uste etorriko denik / Ez du esan etorriko dela. ;
EUSKALTZAINDIA (1999). Euskal Gramatika. Lehen Urratsak V (EGLU V). Bilbo: Euskaltzaindia (76).
— ““Zer” adieraztea: uste izan, iruditu (ez du uste etorriko den, ez dirudi balio bera duten)”, Jagonet galde-erantzunak.