Lehengusu: norbaitentzat, gurasoen anai-arreben semea edo alaba. Horren balio eta erabilera-molde berekoa da kusi (Ipar.). Egokiak dira lehengusina eta kusina (Ipar.) hitzak, generoa bereiziz erabiltzen direnak. Egokia da, halaber, lehengusu-lehengusinak (pl.). Gainerako hitzen balioaz jakiteko (lehengusu propio, lehengusu txiki, izter(-)lehengusu), jo Euskaltzaindiaren Hiztegira. [EH]
EUSKALTZAINDIA. “Ahaidetasuna adieraztea: lehengusu, lehengusu txiki, lehengusu propio, lehengusina, kusi”, Jagonet galde-erantzunak.