JAGONET galde-erantzunak

Hitz elkartuak: euskara-irakaslea, euskarazko irakaslea

Noiz esan behar da euskara-irakaslea eta noiz euskarazko irakaslea, noiz ingeles-irakaslea eta noiz ingelesezko irakaslea? Zuzenak al dira erabilera biak? Zuzenak badira, zer alde dago batetik bestera?

Zuzenak dira erabilera biak; baina ez dute esanahi berbera. Zehazki, euskara ikasi eta euskaraz ikasi bereizten diren bezala bereiz daitezke euskara-irakaslea eta euskarazko irakaslea. Hortaz:

- euskarazko irakaslea da ikasgaia, dena delakoa, euskaraz irakasten duena.

- euskara-irakaslea da euskara irakasten duena (ikasgaia euskara da).

- ingelesezko irakaslea da ikasgaia, dena delakoa, ingelesez irakasten duena.

- ingeles-irakaslea da ingelesen hizkuntza irakasten duena (ikasgaia ingelesa da).

 

Informazio gehigarria:

Zalantza-mota: morfologia > kasu-markak, lexikoa > hitz elkartuak

Unitate-mota: hitzak > izenak

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
© 2015 Your Company. All Rights Reserved. Designed By JoomShaper