JAGONET galde-erantzunak

Esapideak: eta guzti (sustrai eta guzti / sustraiak eta guzti)

Zein da zuzena: sustrai eta guzti atera zuen arbola ala sustraiak eta guzti atera zuen arbola?

Euskaltzaindiaren Hiztegian ikus daitekeenez [EH:eta guzti], bi moldeak dira zuzenak: eta guzti esapidea mugatzailerik ez duen izen-sintagma baten (sustrai eta guzti atera zuen arbola) edo izen-sintagma mugatu baten (sustraiak eta guzti atera zuen arbola) eskuinean joan daiteke.

Bada bien artean halako enfasi-graduazio baten aldea. Izen-sintagma mugatua duenak besteak ez duen nolabaiteko emendio-zentzua ematen dio adierari, ere lokailuarekin pareka daitekeena (Sari nazionalak eta guzti irabazi ditu = sari nazionalak ere irabazi ditu).

 
 
  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper