JAGONET galde-erantzunak

Hurbiltasuna adieraztea: -ok (etxeok politak dira)

Artikulu hurbila zein kasutan erabil dezakegu? Geure burua tarteko denean bakarrik? Adibidez, etxeok politak dira zergatik da zuzena; nahiz eta gu ez izan etxeak?

Bai, zuzena da etxeok politak dira perpausa. Izan ere, plural hurbila ez da ‘geure burua tarteko’ denean bakarrik erabiltzen, baizik eta hurbiltasuna adierazi nahi denean ere bai (adibide horretan, honako etxe hauek esango bagenu bezalatsu da).

Euskal Gramatika. Lehen Urratsak I, 82. or. liburukian bi adibideok ageri dira:

Guk, irakasleok, geure biziko istorioak botatzen dizkiegu ikasle gizajoei.

Zuek, apaizok, ez duzue kolperik jotzen.

Perpaus horien esanahia gorabehera, gramatika-formak ondo daude. Bigarrenean argi eta garbi ikusten da hiztuna ez dela tarteko, hurbil dituen solaskideak baizik.

 

Informazio gehigarria:

Zalantza-mota: morfologia > mugatzaileak

Unitate-mota: hitzak > determinatzaileak, hitzak > izenak

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper