Kontu hori Euskal Gramatika. Lehen Urratsak VII, 218. or. liburukian dago aztertuta.

a) -tu ezean egituraren ordain izan daiteke hemen:

Gaxuxa ez uztekotan, oiñordekotza Mattini utzi bearrean naizela esan zidatek (Y. Etxaide, Joanak-joan, 78. or.).

b) Ez, ordea, hemen:

Uste dut halaz ere, urteekin ahalgea gutxitu ta eztala asarretuko belarrira esaten badizut, zuk gero iñori ez esatekotan (Oskillaso, Kurloiak, 42. or.).

c) -t(z)ekotanen beste balio bat -t(z)ekotan egon, -t(z)eko (asmo)tan egon egituraren bidez ematen da; eta ez da baldintzazkoa. Kasu horren ezezko forma ere ez litzateke -tu ezeanen bidez emango.

Horrez gainera, ikus hauek ere: "Baldintza adieraztea: -tzekotan (garagardoa edatekotan, edan holandesa)" (JAGONET)