Nola antolatu behar genuke, esate baterako, Durangoko Udalaren irudi korporatiboa?
Gramatika batzordearen ustetan, irudiaren hiru osagaiak bereiz har daitezke:
a) DURANGO, b) Udala eta c) Ayuntamiento
Esan bezala, era horretan hartuta, baliagarria da konposizioa (paper ofizialetako menbrete gisa edo izenburu gisa, adibidez). Ezin liteke erabil, ordea, testu edo perpaus batean txertatua. Ondorengo hau, beraz, baztertzekoa litzateke:
DURANGO UDALAK erabaki duenez,...
Horren ordez DURANGOKO UDALAK behar litzateke, zalantzarik gabe, euskal gramatikaren arauek agintzen duten bezala.
Azkenik, gogorarazi nahi da ontzat eman den goiko ereduaren ondoan badela euskal eta erdal gramatikei atxikiagoa den bat, hitz bat gehiago eman behar bada ere molde horretan. Ondoko hau litzateke:
DURANGOKO UDALA (armarria) AYUNTAMIENTO DE DURANGO
Data: 2020-05-14
Zalantza-mota: morfologia > kasu-markak, izen bereziak > leku-izenak, izen bereziak > bestelakoak
Unitate-mota: hitzak > izenak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.