JAGONET galde-erantzunak

Joskera: nola…-n/bait-

Zer eratako perpausak eratzen dira egitura horrekin?

- Balio lezake adierazpen-perpausak eratzeko: Ikusiko duzu nola ahaztuko zaion Mireni dirua ekartzea. Inork ez daki nola etorri naizen Zarauztik. Era horretakoei buruzko informazioa hemen dago: Euskal Gramatika. Lehen Urratsak V, 77. or., Euskal Gramatika. Lehen Urratsak V, 96. or..

- Balio lezake kausazko perpausak eratzeko: Nola ez didaten oraindik ordaindu, mailegu bat eskatu beharko dut. Gu bizi ginen etxea nola baitzegoen Lezoko partean, aita, ama eta osaba Antonio zena Lezoko kanposantuan lurrartuak dira. Euskal Gramatika. Lehen Urratsak VI, 194. or..

Ez da egokia ondorio-perpausak eratzeko. Horretarako lokailu eta menderagailurik erabilienak hauek dira: hain... non... bait-/-en eta hain... ezen... bait-/-en Euskal Gramatika. Lehen Urratsak V, 445. or.

 

Informazio gehigarria:

Zalantza-mota: sintaxia > perpausak

Unitate-mota: hitzak > galdetzaileak, hitzak > menderagailuak, perpausa > kausa, perpausa > modua, perpausa > osagarriak

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
© 2015 Your Company. All Rights Reserved. Designed By JoomShaper