Euskal Gramatika. Lehen Urratsak V, 358. or. liburukiak, modu hitzari buruz, honela dio: "Denborazko aditzondo bat baldin badugu, (…) -ko atzizkiaz horniturik agertuko zaigu: Nik lanian jardun det betiko moduan (Txirrita).

Zenbait euskaldunek, beharbada analogiaz, legez hitzari ere aplikatzen diote arau hori: nire legez, ni legezen ondoan, atzoko legez, atzo legezen ondoan, etab. Baina jokabide horrek berria ematen du, horrelakorik ez baita literaturan ageri, dirudienez".

Beraz, beti legez eta atzo legez dira literatura-tradizioari kasu eginez gomendatzekoak.

Horrez gain, ikus hau ere: "Berdintasuna adieraztea: -n legez (gura duzun legez, behar den legez)" (JAGONET).