JAGONET galde-erantzunak

Jatorria adieraztea: -ar/-tar (txinatar kultura / kultura txinatarra)

Zer hobetsi behar dugu: txinatar kultura ala kultura txinatarra?

Eratorpeneko -(t)ar atzizkia dela eta, bi formak zilegi izanik ere —txinatar kultura zein kultura txinatarra, erabileran badira ohitura egin batzuk. Kasu honetan, esaterako, NOLAKO adiera duenez adjektiboak, izenaren eskuinetik joan ohi da normalean: dantza espainiar, jatetxe txinatar… Kasuistika zabala denez, egoki litzateke Euskara Batuaren Eskuliburura jotzea:"-ar atzizkia (aldaerak: -tar (-dar), -ztar)" (EBE).

Ikus hauek ere: "Jatorria adieraztea: -ar/-tar/-dar, -ztar; -ko (espainiar filologia/literatura)" (JAGONET), "Jatorria adieraztea: -ar/-tar/-dar (Etxeberria anai-arrebak, etxeberriatarrak; Ganboa sendia, ganboarrak)" (JAGONET).

 
 
  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper