Jagonet
JAGONET galde-erantzunak
Aditzaren jokabidea: jarraitu/jarraiki (jarraitzen dio / jarraikitzen zaio; darraio/*darraikio)
Zein da aukera egokia honako esaldi honetan: Lehenengoari beti... (darraio, darraikio ala jarraitzen dio)… bigarrena?
Euskaltzaindiaren Euskal Aditz Batuaren arabera Euskal Aditz Batua, 104. or., forma sintetiko baturakoa darraio da (darraikio forma, nahiz tradizioan gutxi-asko erabilia izan, ez da ageri arauan); jarraitzen dio molde perifrastikoa ere zuzena da [EH:jarraitu,1]. Zuzena da, era berean, jarraikitzen zaio moldea ere [EH:jarraiki,1]. Beraz, hiru modu hauetara molda liteke galderakoa: Lehenengoari beti darraio bigarrena. / Lehenengoari beti jarraitzen dio bigarrenak. / Lehenengoari beti jarraikitzen zaio bigarrena.
Darraio jarraiki aditzaren forma trinkoa da, zaio (Nor-nori) motakoa. Adibideak:
Jainkoa galtzeari darraion sari gogor amorragarria.
Gelditasunari darraion herio kutsua.
Aurrean Baztan daukazu, gibelean Erro aldea.
Gibeletik ez darraio soldadu armaturik.
Informazio gehigarria:
- [EH:jarraiki]
- [EH:jarraitu]
- "jarraitu, jarraiki" (EBE)
- "*darrai" (EBE)
- "Aditzaren jokabidea: (trinkoak) jarraitu, jarraiki (darraio, ninderraion)" (JAGONET)
- "Aditzaren jokabidea: (trinkoak) jarraitu, jarraiki (darrai/darraio) (du/zaio)" (JAGONET)
- "Aditzaren jokabidea: jarraitu/jarraiki (zaio/da/du)" (JAGONET)
Zalantza-mota: morfologia > aditz-jokoa, sintaxia > aditza, sintaxia > komunztadura
Unitate-mota: hitzak-aditzak > adizki jokatuak, hitzak-aditzak > erregimena, hitzak-aditzak > trinkoak, lokuzioak/kolokazioak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
