1 emaitza
nahiz1 bilaketarentzat -
[1 - 1] bistaratzen.
nahiz1
1junt.Zenbait (gehienetan bi) hitz, sintagma edo perpaus lotzen dituen hitza, azaltzen diren aukera guztiak gerta daitezkeela adierazten duena. Ik. edo 3; nahiz... nahiz... 2Geu ere, etsai nahiz aldeko, haren ume edo iloba baikara. Hitz barruan nahiz azkenean. Lotsaz nahiz beldurrez egiten ez badu. Ez diot inori hautatzeko, hartzeko nahiz arbuiatzeko eskubiderik kendu nahi. Berak sortutako nahiz besterengandik hartutako gaiez osatua.
2Bere ondotik datorren perpausak adierazten duena gorabehera, esaldi nagusian esaten dena egia denean ezartzen den hitza. (Mendeko esaldiaren aditz laguntzaileak -(e)n atzizkia har dezake; laguntzailerik gabe, partizipio burutuan joan daiteke mendeko esaldiaren aditza). Ik. arren; ere 6; zein ere 2. Nahiz ez den gaztelua, maite dut nik sorlekua, aiten aitek hautatua. Hori da uste duguna, nahiz aitor ez dezagun. Lehen egin izan dena egina dago, nahiz gaizki egina iruditu guri. || (Mendeko esaldiaren aditza ezabaturik). Nahi zuena zehazkiro adieraziko zizun, nahiz astun eta korapilatu antzean gehienbat.