Aztergaia: errentari

Iturria:

Formari buruzko datuak

Erabilerak

Bestelakoak

Lantaldearen irizpideak

Informazio osagarria

Formari buruzko oharrak

Euskaltzainen oharrak

 - [E210]:  errentari forma bere horretan jasotzeak ez du kalterik egiten; alderantziz, horixe erabili da errentamenduen legea itzultzeko orduan eta zuzenbide zibileko hainbat eskuliburutan, eta, beraz, zerrendan agertzeko modukoa da.

 - [E116]: adieren banaketa eginez, errentadun eta maizter formekin etsi du lantaldeak, hala ohartaraziz lehenari egindako oharrean (onartua dugu forma hori bere adierarekin: 'errenta hartzen duena'). Errentadun onartua dugu dagoeneko, oharrik gabe (errentadun iz. "errenta hartzen duena"); errentari ere jaso nahi du E210ek, eta hau ez da errentapeko bezalakoa (hau da, ez da forma berria edo asmatua: badu bere tradiziotxoa, eta 'maizterra' adierakoa da tradizio horretan): zuzena da osaeraz eta ilun(ago)a adieraz. Nik ez dakit, ordea, 'maizterra' adierazteko jaso nahi duen E210ek (eta horretarako proposatuko dugun guk), ala 'jabea' adierazteko, edo biak adierazteko, edo forma bakarrik jaso nahi dugun, adierak zehaztea geroko utziz: gehienetan forma soilak ematearen aldeko gara, anbiguotasunak anbiguotasun (eta litekeena da "forma neutroaren premia" izatea hemen ere, goragoko errentamentu hartan bezala); baina egin al dezakegu hori, errentadun definitu ondoren, hau da: adiera izan denean forma bat proposatzeko irizpide? Ikusten duzuenez, galdera gehiegi dut nik, eta argi gutxiegi, zentzuzko zerbait proposatzeko.

 - Erabakia: (2008-05-30) jaso inolako markarik gabe.