Leku-izenak

(...)
ayala/aiara
(...)

(...)
086-37 026
(...)

(...)
Arana. Olábezar (Ayala)
(...)

(...)
086-37 026
(...)

(...)
AYALA/AIARA
(...)

(...)
Auzoburua / Capitalidad del concejo: ED50 30T X.498782, Y.4768650, alt. 240 m. // Auzo txiki honetan dago kontzejuko eliza nagusia, Done Petri Apostoluaren adbokazioa duena. Jatorrizko eliza gorago zegoen, gaur egun San Pedro izena daraman mendian, hain zuzen ere. Gure egunetan kokapen hura arraroa iruditzen zaigun arren, ohikoa zen lehenengo elizak toki nabarmenetan egotea. Napoleonek 1808an lur hauek hartu zituenean su eman zioten eliza hari, eta handik hurbil dagoen San Babilas ermita erabili zen parrokia gisara, harik eta 1868an egungo tenplua inauguratu zen arte. Antzina, kontzejuko batzarrak elizan egiten ziren, baina gaur egun Mugaburugotxin dagoen eskolako lokala erabiltzen da horretarako. Kartografian Olabezar izena eman ohi zaio, kontzejuko auzo nagusi bakar bat bezala ulertuta, guk bereizita ematen ditugun Arana, Belaunde, Mugaburu eta Mugaburugotxi auzoetako etxe barreiatuez osatutako multzoari. Kontzejuen auzo nagusia zehazteko irizpide tradizionala, ordea, parrokiaren kokalekua izan da eta, ondorioz, lan honetan auzo horiek jo izan ditugu oro har auzoburutzat. Amurriotik etorrita Arana aldera joateko A-4609 errepidea erabiliko dugu Gabiras auzoraino. Han gure ezkerrera aurkituko dugun Garai eta Etxegurenerako adarra hartuta utziko dugu bide nagusia, eta berehala berriro ere eskuinera joz, tenpluaren inguruko alderdira jaitsiko gara. // La Iglesia izen hutsa ere ematen bazaio ere, eremu horretako toponimorik ezagunena Arana da. Euskarazko izen gardena da, hizkuntza estandarreko haran, eta -a mugatzailea daramana
(...)