Leku-izenak

(...)
Gaurregun Libarren [libárren] bilakatu den hau (ikus Lunberri sarreran dioguna) herri azpian dago, baina kanpoan, eta beraz lerraketa bat burutu dela esan daiteke, antzina erdal Barrio bajo-ren ordain euskalduna zenak orain horren ondoko eremu bat ematen duelako aditzera. Izen honen itxuragaiztotzea XVIII. Mendearen bigarren erdian hasi zen.
(...)

(...)
[Dermio baten zatiketa] Gai honetaz ari garela gogoratu behar dugu herri gehienak toki estrategiko aldapatsuetan daudela eraikiak, eta (ia) beti izaten dela goiko alde bat (eliza, gaztelua eta hilerria ohi daude bertan), tarteko bat, eta beheko bat. Honela bada, euskara berandu arte mintzatu den gure eskualdeko herrietan behintzat Irigoien(a) [Beste toki batzutan Erburu(a) esaten zaio, Urdiainen adibidez (Satrústegui, "Planteamiento general...", 57. or.), Iriburu(a) (Bidankozen) edo Irigarai (Arakil-Ekain). Asiainen dokumentazioko Erriburua edo Erburua Iriburu da orain (Jimeno Jurío, TCPCO, 98. or.)], Iriarte(a) eta Iribarren(a) zatiketa egiten zen, Nafarroako beste eskualdeetan (eskualde askotan bederen) bezala, erdaraz Barrio alto edo Barrio de arriba, Barrio de medio(s), eta Barrio bajo edo Barrio de abajo esaten zena aditzera emateko. Guztiarekin ere, herri guztietan ez ditugu hiruak aurkitu, gutxienez ez euskal itxuraz, baina herri batean bat edo bi agertzea herri horretan azaldu dugun auzo partiketa bazela ziurtatu ahal izateko nahikoa dela uste dugu, honetan herriaren tamaina eta "aldapatasuna"-k ere eragina bazuten ere. Adibidez, Eslaban, Irigoiena eta Iriartea besterik ez dugu aurkitu euskaraz, baina hau aski dugu *Iribarrena bat ere bazela segurtatzeko, batez ere horien aldamenean Barrio bajo eta Barrio de abajo edireten dugulako.
(...)

(...)
Barrio bajo edo Barrio de abajo Barrio de San Pedro-ren azpikaldean dago, herriaren behereneko alderdian:Euskaraz Iribarren esaten zitzaion, baina gaurregun horren ondorengo itxuragabetua den Libarren [libárren] herriaren azpiko eremua izendatzeko ibiltzen da, herritik ugalderainokoa, beheko auzoari Barrio bajo esaten zaiolarik orain. Aldaketa honetan eragina izan du, gure ustez, herri ondoko Dandaldea bezalako toponimoen desagerpenak.
(...)