(...)
086-27 029
(...)

(...)
086-27 029
(...)

(...)
Ekarpen interesgarriak eskaintzea lortu badute ere, egileek zintzotasunez eta apaltasunez aitortzen dute lan hau ez dela ikerketaren azken hitza, bai baitakite azken xede hori lortzeko beharrezko litzatekeela eskura izatea erabili ahal izan duten baino informazio gehiago, artxiboetako datuak batik bat. Horregatik, jakitun dira artxiboetako miaketa sistematiko baten ondorioz lor litezkeen lekukotasun berriak oso lagungarri izanen liratekeela oraingo lan hau osatzeko ez ezik, hipotesi moduan aurkeztutako zenbait azalpen argitu ahal izateko ere, besteren artean, Billarkudi, Campoiza, Lapetaratxe... izenen ingurukoak. Halaber, lekukotasun berri horiek bermea ere emanen lukete orain arteko datuetan oinarritutako lan honi zenbait zuzenketa egin ahal izateko [...] Auzoa / Barrio: ED50 30T X.492063, Y.4771623, alt. 210 m. // Kontzejuko gune nagusiaren iparraldean dago auzo hau, Erretestik Lantenora doan errepidearen ezkerrean. Ibaizabal errekaren ertzean daude etxeak, zubi txiki batetik gertu, eta hori zeharkatuta, eskuinaldera auzoko beste etxe bat dago. Are beherago, Lantenoko bidegurutzetik gertu eta errepidearen eskuinean, La Ibarra izeneko etxe berri bakartua dago (ikus Ibarra Izorian). // 1779an Campo de Iza aurkitzen dugu idatzita, baina Madozek (1845-1850) aipatzen digun Campo-hiza formak jadanik preposizioaren galeraren berri ematen digu. Campo gaztelaniazko hitza da eta esanahi argia du edozein hiztunentzat ‘landa, larre’. Gainera, auzo horretatik gertu dauden izen txikiagoetan ere ageri da, hala nola Campo eta Campolaria izenetan. Iza, ordea, euskal izena dela dirudi, ihi landarea eta ugaritasuna adierazten duen -tza atzizkiaz osatua, ‘ihitokia’. Daitekeena da haren jaberen baten abizenari erreferentzia egitea ere, Iza ohikoa baitzen eskualdean. Baina horren berririk ez dugu eta hori horrela ote zen ondoko ikerketek argituko dute. Dena dela, hizkuntza bietako hitzak dituen toponimo hau gaztelaniaz eratu zela dirudi eta hizkuntza horretako ortografiaren arabera idatzi behar da. Hipotesi mailan, pentsa daiteke euskarazko forma *Itzazelaia izango zela
(...)