(...)
Aldapa // Izen osoa: Aldapa kalea eta Aldapa parkea / Calle Aldapa, Parque Aldape // Udondo auzoko bigarren biribilgunean sortzen da, hain zuzen ere Otsobarrena kale berria hasten den biribilgunean, eta Aldapa izen bereko parkearen albo batetik doa Independentzia kaleraino. // Aldapa izena inguru eta azpieuskalki honetan, Barakaldoko, Erandioko eta Getxoko toponimia ikerketek ere argi erakutsi duten bezala, oso erabilia da lursailak izendatzeko. Dirudienez, gainera, ez dauka zuzenean zerikusirik lursailaren inklinazioarekin; horrela, Aldapa izena topatzen dugu maiz lau-lauak diren lursailak ere izendatzeko. Leioan aldapasolo edo aldapa hitz hutsak topatzen ditugu toponimia historikoan etxaldeen soroak izendatzeko izen arrunt gisa erabilita. // Udalak bertako toponimoa jaso zuen kale-izen izateko, Nazio Batuen erakundearen gomendioek esaten duten bezala; izan ere, aipatutako erakundeak toponimoak erabiltzeaz gain, gizadiaren ondare materiagabea izendatu ditu eta katedralak edo beste artelanak zaindu behar diren modu berean toponimia jagon eta gordetzeko konpromisoa dago
(...)