(...)
Dok.: 1960 inguruan egina. // Ebakera: Lizáitako bénta, Lizáiteko bénta. // Kokalekua: Sararen eta Etxalarren arteko mugaren aldakan dago, Karrikatik zortzi kilometrora, Lizarieta izeneko eremuan. // Etimologia azalpena: Ez dakigu xuxen Lizarieta toponimoaren etorkia zein den, akabailako -eta atzizkia franko segurua bada ere; 1683rako agertzen da (NTEM-IL, 152) eta, beraz, bistan da leku izena ez dela bart arratsekoa. Alegiazko bi azalpen eman daitezke, gutxieneko kontuan: *Lizardietaren moduko baten bilakaeraren fruitua ikus daiteke, edo, bertze gisan, inguruan leize edo leize-zuloren bat balego, oinarrian *Leizarieta (< leize + iri ‘aldamena’ + -eta) zegoela kontu egin liteke. Dakigunez, alderdi honetan ez dago leizerik, baina bai meatze-zuloren bat.
(...)