(...)
Kalea / Calle: ED50 30T X.500224, Y.4771770, alt. 175 m. // Kale nagusitik Nerbioi ibaira perpendikular jaisten den kale bat da, ondoren zubi bat igarota hura zeharkatzeko. Gaur egun Restergo eta San Lorentzo zatiak bereizten diren tokian hasi eta errekaz beste aldean Oloste kalearekin bat egitean amaitzen da. // Izen hau zubia eta ondoko ola izendatzeko erabiltzen zen. Dakigunez, 1771n Nerbioi ibaiaren aguaduchu ‘uholde’ batean kalte handiak pairatu zituzten inguru hauek. Bertako batzuek, ahoskera zabarrez, Sulibárri edo Solibárri esaten dute, nahiz eta denek onartzen duten forma zuzena Zubibarri dela. Izenaren etimoa argia da, euskarazko osagai bi dituena: zubi eta barri. Bigarren osagai hau berri forma estandarraren mendebaldeko aldaera da, eta seguruenik, Otazun dagoen Erdi Aroko zubi zaharragoari kontrajarrita sortuko zen izen hau
(...)