(...)
061-51 138
(...)

(...)
061-51 138
(...)

(...)
Toki-izenetan maiz gertatzen den beste fenomeno bat da toponimoa (toki-izena) hagionimo batek (santuen edo adbokazioen izena) ordezkatzen duela. Ermitak edo monumentu erlijiosoak daudela, izen handiko erromeriak ospatzen direla, herri debozioa dela… santuen izenak gailendu eta gaur egun toki horien izenak ahaztuak daude. Prozesu hori ezin dugu naturaltzat eta halabeharrezkotzat jo, euskara baztertuta egotearen eta ideologia kutsuko fenomenoaren ondorioa baita. José María Jimeno Jurío Artaxoako ikerlariak Nafarroako toponimia aztertzean argi utzi zuenez, Euskal Herri osoan gertatzen den fenomenoa da [10 Jimeno Jurío, 1985]. Honen argigarri, inguruko adibide ezagun bat jarriko dugu. Bada Gordexolan Berbikiz izeneko tokia eta haren ordez San Cosme erabiltzen da gaur egun, irailean, San Kosme eta San Damian egunean, erromeria ospetsua egiten delako bertan, nahiz eta, bitxia bada ere, ermita Done Joan Bataiatzailea edo Lepomoztuari eskainia egon. Horrelako kasuetan, tokiaren jatorrizko izena berreskuratzea gomendatzen du Euskaltzaindiak eta joera hori da egokiena ikuspuntu guztietatik. Gure adibidearen kasuan Berbikiz berreskuratu beharko litzateke tokia izendatzeko, santuen izenak dagozkien zereginetarako gordez: San Kosme (eta San Damian) egun horretako jaia aipatzeko eta Done Joan Bataiatzailea edo Lepomoztua toki horretan dagoen ermitaren adbokazio historikorako
(...)