´Joan den gauean´ esan nahi duen adizlagun honi dagokion aditza lehenaldian nahiz —maizago— orainaldian joan daiteke. Ez dakizu asko bart zer gertatu den elizako ateetan! Bart hil zen. Bart arratsean egin ditut negarrik handienak. Bart gauean jakin dugu.
Bestalde, ‘bart (gaueko)’ren forma laburtua bartko da (ez barteko). [EH]
EUSKALTZAINDIA. “Denbora adieraztea: bart (bart heldu naiz/nintzen)”, Jagonet galde-erantzunak.