Euskararen batasuna egin aurretik, urteko hilen erdiek izen bana zuten; beste erdiek, berriz, bina edo hiruna. Gainera, horietako bat, garagarril, bi hilabete izendatzeko erabiltzen zen... Bistakoa zen batasun-premia, zegoen nahasketa-arrisku nabarmenagatik. Horrexegatik hobetsi ziren izen batzuk. (→ hile > hil/hilabete)

Nolanahi ere, Euskaltzaindiaren Hiztegian jasorik daude euskalkietako izenak ere: ilbeltz, izotzil (urtarril); barantaila (otsail); epail, marti (martxo); jorrail (apiril); lorail, hostaro (maiatz); bagil, ereiaro, garagarril (ekain); garagarril, garil (uztail); agorril, dagonil (abuztu); buruil (irail); urrieta (urri); hazil, gorotzil (azaro); lotazil (abendu). [EH]