Arruntena, zalantzarik gabe, baita (...) ere egitura da, ‘eta... ere bai’ eta ‘bai eta... ere’ egituren kide dena (→ ere lokailua):

Ikasgaia ongi ikasi du, baita azaldu ere (eta azaldu ere bai / bai eta azaldu ere).

Hara orduko unatua baitzen, baita haren gizonak ere (...) (eta haren gizonak ere bai / bai eta haren gizonak ere).

Batzuetan, ordea, baita ere lokailua perpaus guztiari dagokionean eta ez sintagma bati, perpausaren hasieran jartzen da; hasieratik dakigu, hala, gehitze-zentzu bat eman nahi zaiola esaldiari: Badu euskarak hitz sorbide ugari, baina baita ere huts nabarmen bat, bederen, aldameneko hizkuntzen ondoan. (→ mendeko perpausen hasiera markatzeko partikulak)