Hemen daude jasoak LEF batzordeak (Lexiko Erizpideak Finkatzeko Batzordeak) hitz-elkarketaz egin dituen lau lanak, Mikel Zalbidek eginiko sailkapena eta adibidetegia oinarri dutenak.
Lehen hirurak eskura zituen erabiltzaileak paperezko edizioan, Hitz-Elkarketa/1 (1986), Hitz-Elkarketa/3 (1991) eta Hitz-Elkarketa/4 (1992). Orain PDF formatuan ere kontsulta daitezke.
Orain, argitaratu gabe zegoen Hitz-Elkarketa/2 gehitzen dugu, mendekotasunezko izen elkartuen azterketa, modu interaktiboan eta PDF eta EPUB artxiboez horniturik. Argitalpen honek Eusko Jaurlaritzaren Hezkuntza, Hizkuntza Politika eta Kultura Sailaren menpeko Hizkuntza Politikarako Sailburuordetzaren babesa jaso du.
