(...)
Jose Ramón Aketxe // Izen osoa: Jose Ramón Aketxe plaza / Plaza Jose Ramón Aketxe // Iparragirre etorbidea eta udaletxe artean eraikitako plaza berria zeinetan Kultur Leioa eraikina dagoen. // 1871n Jose Ramon Aketxe jaunak, Jose Antonio Ondizekin batera, “Ondiz-Aketxe” Fundazioa sortu zuen haurren doako irakaskuntza sustatzeko, eta Elexaldeko eskola eraiki zuten. Irakasleei ordaintzeko diru nahikorik ez zela-eta, Jose Ramon Aketxek bere poltsikotik eskaini zien soldata irakasleei. // Haurren irakaskuntzaz arduratzeaz gain, gaur egungo udaletxea eraikitzeko lanetan zuzenean hartu zuen parte. Gainera, hil osteko testamentuan udalerriko txiroei dirua utzi zien eta beste dirutza bat utzi zuen San Joan elizako kanpai-dorrea konpontzeko. // 1950eko Nomenklatorrean jasota ageri da plaza hau dagoeneko, beraz Udalak aspaldian eman zion izena plaza honi
(...)