Konturatu naiz hiztegietan ez dela ageri amalur / ama lur / ama-lur… izena, baina euskaldunok maiz erabiltzen dugun izena da. Nola behar luke? Zer dela-eta ez da ageri hiztegietan?

a) Zelan eskatu zurito bat: Mesedez, eman zurito bat Olañeta / Mesedez, eman Olañeta zurito bat / Mesedez, eman Olañeta zuritoa.

b) Zelan eskatu txupitoak: Jarri txupito bat kafe-likore eta txupito bi patxaran / Jarri kafe-likore txupito bat eta patxaran txupito bi / bi patxaran txupito.

c) Zelan eskatu tabakoa: Mesedez, eman Lucky pakete bat / Eman pakete bat Lucky.

Gai horren inguruko berria entzun dut; gai horren inguruan polemika dago…

Beste aukera hauek ez al dira egokiagoak?: Gai horri buruzko berria entzun dut; Gai horrek polemika piztu du.

Gure herriko gune batean seinale hau jarri da: OINEZKOEN ALDERDIA. Zuzena al da hori? Ez al luke behar OINEZKOEN GUNEA?

Konturatuta gaude herri askotan horrela jarrita dagoela ꟷalderdiaꟷ, eta jakin nahi genuke ea nonbait onarpena emanda dagoen edo...

Errespetuzko jardunean, ohiturazkoa izan da on titulua erabiltzea; esaterako, On Luis, herriko apaiza.

Jakin nahi genuke doktore (doktoregoa egin duena), unibertsitateko irakasle, katedradun, mediku eta abarrekin zer estilo gomendatzen duen Euskaltzaindiak. Tradiziozko on tituluarekin batera, erabil daitezke, esaterako, profesore edo doktore? Ala besteren batzuk?

Zuzena al da ahalik eta hoberen esapidea? Adibidez: Irakur ezazu ahalik eta hoberen. Ala Irakur ezazu ahalik eta ongiena/ondoena/hobekiena esan behar da?

Emakume lesbianak ala emakume lesbianoak: zein da forma zuzena?

Nola esan behar da "9 es divisible por 3" / “9 est divisible par 3”. Esapide hauek egokiak al dira?

1. - 3 9ren zatitzailea da
2. - 9 hiruz zatigarria da

Alkatetza pertsona bakarreko aginte-organoa izanik, egokia al da honela esatea?: Alkatetza honek erabaki du... Ez al litzateke zuzenagoa Alkateak erabaki du...?

Nola esan behar da: Higiene-baldintza penagarriTAN aurkitu genuen ala Higiene-baldintza penagarriETAN aurkitu genuen?