(...)
Sabino Arana // Izen osoa: Sabino Arana etorbidea / Avenida Sabino Arana // Iparragirre etorbidean hasi eta Agirre Lehendakariaren plazan amaitzen da. // Sabino Policarpo Arana Goiri (Abando (Bilbo), 1865 - Sukarrieta, 1903) euskal politikari, idazle eta ideologoa izan zen eta euskal abertzaletasunaren aitatzat dute askok. Eusko Alderdi Jeltzalea sortu zuen eta Bizkaiko diputatua ere izan zen. Bere adierazpen politikoengatik kartzelaratu zuten, Kubako independentzia goratzeagatik, hain justu. Hainbat sinbolo sortu zituen, besteak beste, Euskadi hitza eta ikurriña; horretaz gain, euskal onomastika erabat aldatu zuen Izendegia. Bertan Iñaki, Miren, eta beste anitz izen ageri dira. // Addison gaixoak jota hil zen 38 urte zituela, baina ordurako hainbat lan idatzi zituen: prentsa artikuluak, saiakerak, literatura eta poemak. Den-denak bere ideologiaren erakusle argiak. // Frankismoaren garaian kale honek bitan zatiturik, Calvo Sotelo eta General Mola izenak izan zituen. Jose Calvo Sotelo politikaria, ministroa izan zen Primo de Riberaren diktaduran eta diputatua bigarren errepublikan. 1936an hil zuten sozialistek eta hori dela-eta diktaduran Protomártir de la Cruzada edo Protomártir del Movimiento Nacional izendapena eman zioten. Mola jenerala agintean zegoen Nafarroan 1936an estatu kolpea izan zenean eta bere agindupean ehunka abertzale, errepublikar eta ezkertiar erail eta desagerrarazi zituzten. 1937an abioi istripu batean hil zen. Urte bat lehenago, uztailaren 19an, ondoko hitzak idatzi zituen: // Hay que sembrar el terror... hay que dejar la sensación de dominio eliminando sin escrúpulos ni vacilación a todos los que no piensen como nosotros. // Pablo Neruda idazleak Mola en los Infiernos poema eskaini zion: // “Es arrastrado el turbio mulo Mola, de precipicio en precipicio eterno, y como va el naufragio de ola en ola, desbaratado por azufre y cuerno, cocido en cal y hiel y disimulo, de antemano esperado en el infierno, va el infernal mulato, el Mola mulo, definitivamente turbio y tierno, con llamas en la cola y en el culo”
(...)