(...)
Etxe-izenak edo oikonimoak, terminologia espezifikoan, aztertzeko zientzia ezberdinak uztartzen dira: hizkuntzalaritza ez ezik, etnografia eta historia ere batzen dira etxe-izenen ikerketan. Izan ere, etxalde-izenek asko esaten digute, euskarari buruz eta Leioako bizimodu eta historiari buruz. Etxalde izen batzuek inguruaren berri ematen dute: Zuhatzu (zuhaitz asko dagoen gunea), Artatza (arte ugari dagoen lekua), Bidaurratzaga (bidearen aurreko ingurua), Mendibil (mendi biribila), Elorrieta (elorri landareak). Beste batzuek etxearen ezaugarriak biltzen dituzte: Etxezuri (etxearen koloreari egiten dio erreferentzia), Etxandi edo Etxebarri (multzo batetatik berriena dela adierazten duena) bezalakoak. Kokalekua ere adierazten dute: Iturrikoetxe (iturrian dagoen etxea), Goikoetxe edo Beaskoetxe bezalakoak. Eta azkenik etxearen jabetzaren berri ere ematen dutenak ditugu. Azken mota honetakoak dira Leioako baserri gehienak, jabearen abizena, izena edo ezizenari -ena atzizkia gehituta sortzen direnak: Mateoena, Bordeoena, Atxutegiena eta abar
(...)

(...)
Erdikoetxebarri // Auzoa: Elexalde (Santi Mami) // Etxalde hau berria da eta Santi Mami auzoan dago, Arara inguruan. Izenaren konposizioan erdiko (nongo kasuarekin), etxe eta barri bereizten dira
(...)