(...)
Egun auzo ofizial hauek ditugu: // Aketxe / Aldekoena / Artatza / Artatzagana / Basaez / Elexalde / Ibaiondo / Lamiako /Ondiz / Peruri / Pinueta / Santi Mami / Santsoena / Sarriena / Telleria / Txopoeta / Txorierri / Udondo [...] Artatza auzo-izena XVII. mendetik ondo dokumentatzen da eta auzoa bera izendatzeko sortu zela dirudi. Artea (Quercus ilex, ‘encina’ gaztelaniaz) eta -tza ugaritasuna adierazten duen atzizkiaz osatutako izen honek ‘arte asko dagoen lekua’ esan nahi du. Izen honetatik eratorrita, XX. mendean Artatzagana auzo-izena sortu zen, egun Artatzagane formaz ezagunagoa. Hain zuzen ere, ohikoa da inguru honetan gana bezalako hitzak gane bihurtzea toponimian. Deklinabide kaltetu baten ondorioz bihurtzen da amaierako artikulua -e, eta beraz ez da oso zuzena idatziz aldaketa hori jasotzea. Mintzatzean ohikoena da izenak deklinatzea eta Artatzaganetik nator, Artatzaganera noa, Artatzaganekoa da esaten denez XIX. mendearen amaieratik, euskara ahultzen hasi zenetik, ohikoa izan da Artatzagane, Mendibile eta esatea. // Artatzagana izena inguru zabal bat izendatzetik auzoa izatera aldatu zen XX. mendearen bigarren erdian etxe multzoak eraiki zirenean
(...)