(...)
Izen honekin dokumentatu da, birritan bakar-bakarrik, Goikoetxe baserritik igarotzen zen bidea, hau da, herritik Ibarbengoara zihoana. Urrun ez dela hiru baserri zeuden: Erdikoetxe, Goikoetxe eta Andikoetxe. Kokapenari jaramon eginez gero, agian bideari Andikoetxeko bidea esango zitzaion, normalean gertatzen baita bideak azken muturrean dagoen etxearen izena hartzea edo izen horrekin ezagutzea, behinik behin. Horrelakoak Etxebarrin bertan ere batu ditugu: Ameztuiko bidea, Barrondoko bidea eta Olaetako bidea. Edozelan ere, Etxebarrin dokumentatu ez arren, Aketxe pertsona izen, abizen (Juan de Aqueche, Bilbo, 1704), auzo (varrio de Aqueche, Leioa, 1704) eta baserri izen (Aqueche Goicoechea, Leioa, 1796) ere izan da.
(...)