EODA osoa

(...)
Ronpiolas (277. or.): Izen hori, idaztekotan, Ronpeolas idatzi behar litzateke, Bermeo idazten dugun arrazoi berberagatik (-eo- > -io- bokalismoa ahoz ondo dagoke, baina ez da idazten). Bokal protetikorik eza bere modernotasunaren froga dela uste dugu. Nolanahi ere, gure iritzian, ez gaude egiazko toponimo baten aurrean [26 Era honetako adierazpide generikoak (eskola, faroa, kanposantua...) ez dira egiazko lekuizen lexikalizatuak, adierazpide kartografiko arruntak baizik. Lekuan lekuko ezaugarriak kontuan har badaitezke ere, hizkuntza estandarretik hurbilago egon ohi dira eta maiz euskara estandarrean idazten dira (ikastetxea, itsasargia, hilerria...)] eta ez zaigu mailegu «serioegia» iruditzen. Itzulpena ere egin liteke, Olatu horma edo honelako zerbait.
(...)