EODA osoa

(...)
Kalea / Calle: ED50 30T X.500176 e Y.4771955, alt. 185 m. // San Lorentzo izenak gaur egun Restergo eta Torre bitarteko kale nagusiaren zatia izendatzen du [27 Ikus kale nagusiaren zatiak Kallebarrena atalean]. Erliebeari begiratuta, ondo konpondutako Done Laurendi Martiria [28 Ermitaren koordenatu zehatzak hauek dira: ED50 30T X.499636 eta Y.4772455. Altitudeari dagokionez, 285 m ingurura dago] ermita txukuna dagoen gain apalaren oinetan dago eta hari zor dio izena. Santu titularraren eguna abuztuaren 10ean denez, jaia eta herri bazkaria ospatzen da ermita inguruko landetan. Ekitaldi hau da kontzejuko jai guztien artean jende gehien biltzen duena. Garai batean ermitaren inguruan, haren jabegopeko hariztia egon zen. 1789an ermita eraitsi nahi izan zuten, herritik urrun zegoelako eta erromeria arriskutsua zelako «para la moralidad y las buenas costumbres», ‘moraltasunerako eta ohitura onetarako’ alegia. // San Lorenzo forma euskaratzean aldaketaren bat egin beharra dago eta, herriak erabiliko lukeen San Lorentzo forma erabil daiteke, edota Done Laurendi aldaera kanonikoagoa eta serioagoa. Hala ere, ermita baten adbokazioaz ari garenez, egokiagoa dirudi kalea izendatzeko toponimo bat bakarra erabiltzea hizkuntza ofizial bietan
(...)