(...)
Ageza, Eslaba eta Galaipentzuren arteko Gezari, edo Leatxeko Gesalaga-ren kideko dugu Zareko Salobreta, baina azken honetan euskarazko gesal, gezal edo gezari jatorraren (honen sorburua dena den. Ikus Agezako Gesaliturri eta Gezari sarrerak) ordez, erdaratikako salobre dugu (cf. El Salobrar Oibarren, El Salobral Uxuen, Salobres Ledean [ottra pieza en el thermino de salobres"; id., 30. k., 1704.], eta Salobrares Erriberrin [La veytena muga (Beire herriarekikoa) esta en la viña...q esta landa Junto al Rio llamado Salobrares", PRA-Kaparroso, 27. k., 1620.]).
Gaurregun bokal anaptitikoa duen Salabareta [salàbaréta] ibiltzen da, hots, aurrenekoz 1733an aurkitu dugun Saloberetta-ren desitxuraketa arina dena, baina XVI. eta XVII. mendeetan, euskara Zaren bizien zegoenean (XVIII. mendean baino biziago bai behintzat), bokal anaptitikorik ez zuen aldaera ibiltzen zen, eta guk horixe hobetsi dugu aldaera batutzat. Nolanahi ere, garbi samar dago egungo aldaera 1733ko aipatu Saloberetta bokal anaptitikodun formatik atera dela.
Paso de Salobreta Camino del Cascajo-n dago, Prado grande-tik Prado de Salobreta-ra doan bidearekiko elkargunean.
Esan bezala, alderdi hau oso urtsua da (lehen orain baino areago ziurrenik) eta larre edo "prado"-ak ugariak dira Eslaba, Ageza, Galipentzu eta Zaren, eta horregatik ulertzekoa da Salobreta-n ere horrelako bat ediretea. "Corral de Sagüés" eta "Corral de Lacarra" aldean dago larrea.
Gesal franko dago dermio honen zati batean, eta honi zor dio izena.
Salobreta-k Korkua, El Cascajo, Errengaitz, eta Saratsea-rekin mugatzen du.
(...)
Zer:
Non:
Jatorria:
OV.11