Leku-izenak

(...)
Naba, Balora, eta Puieta-ren arteko gain zabal bat da hau, eta beste zenbait tokitako Miravalles (ikus Uxueko sarrera hau) eta Miracielos-en moduko bat dugula dirudi, orain modan dauden Bellavista edo Vistalegre-ren antzeko zerbait alegia, bai Mirabuenos, bai Miracielos eta bai Miravalles leku gorak direlako (ikus Uxueko Miravalles-en dioguna) [Miracielos, bere aldetik, Altamira (cf. haitzulo entzutetsuen izena. Deizio hau Araba, Bizkai eta Gipuzkoan ere ezaguna da. Ikus A. Irigoyen, "Las Lenguas de los Vizcainos...", ETTVC, 58. or.)-ren antzekoa dela garbi samar dago. Olatzagutian Altamíra dugu; Urdiainen Kamio-ren ondoko gaina da Altamira (Nicolás Arbizu, TI, 264. or.), eta Imotzen horretatik atera ahal izan den Altamáriko erreka dugu Oskotzen, eta Altamariko iturria Etxalekun.]. Leotzen, eta Olloibarko Senosiainen ere Mirabuenos dugu, eta lehen herrian behintzat gain baten izena da. Oibarren Mirabueno dokumentatu dugu 1656an [PRA-Oibar, 29. k.], eta Mirabuena 1730ean [Id., 42. k.], baina kasu honetan ez dakigu gaina zen, toponimoa bizirik ez dagoelako, eta berdin gertatzen da Beireko Mirabueno, Mira el bueno (1543) [PRA-Erriberri, 3. k-bis.], Merabuenos (1650) [PRA-Kaparroso, 44. k.]-ekin. Izkon ere Mirabueno azaltzen da (1651) [Mas otra pieza en el termino LLamado mirabueno...afrontada con piezas de La Cassa de Ayzpe" (PRA-Elo, 2. k.).], Elortzibarko Dorren Mirabuena dugu, eta Elortzen (1605) [PRA-Iruñea, 21. k.], Agoitzen (1677) [UEA, 14. kap-lib., 226. or.], eta Indurainen (1594) [PRA-Urrotz, 4. k-bis.] Mirabuenos. Aranguren, Lakidain eta Artazun Miracielos dugu bizirik egun: lehen biak mendi-mazelak dira (Lakidaingoa El Monte deitu mendiko hegia, eta Arangurengoa muino bateko isurialdea), eta hirugarrena gain bat. Arangurengo dokumentazioan, gainera, leku genitiboaren morfema duen Pieza de Mirabuenocoa azaltzen da 1702an.
(...)