Leku-izenak

(...)
Non: Etxalar. Zer: auzoa;
(...)

(...)
Non: Etxalar. Zer: auzoa;
(...)

(...)
Significado dudoso. Comentario lingüístico: El primer elemento resulta oscuro aunque quizá sea una corrupción de Urrizti 'avellaneda'. El segundo elemento es claro eder 'hermoso'.
(...)

(...)
Dok.: Lurriztieder baserri auzoa 1843ko Udalbatzaren bi aktatan ageri da; bertze baserri barrideak bezala, parrokiako erroldetan 1867an hasita ikusten da Lurriztiederra. Ordura arte «casas foranas» izeneko multzoan egoten ziren auzoko etxeak. // Ebakera: Miáka auzoa. // Kokalekua: Gorosurreta eta Urritzokieta baserri auzoen artean dago. // Etimologia azalpena: 1740an Lucas de Arribillaga eta emazteak berrogei dukateko zentsu agiria eman zuten: bertan zituzten ondasunak zerrendatuak azaltzen dira, eta Karrikan zeukaten Apeztegia etxeaz gainera Urriztieder aurkintzan baserria zutela ikusten da, Joanaberrinearekin mugatzen zuena, lur zenbaitekin. Baserri hori Apeztegiko borda da, eta Urriztieder dermioa Lurriztiederra dela zalantzarik ez dago. // Nolanahi ere, 1740ko lekuko horixe da, izan ere, l-rik gabeko bakarra eta, horregatik, gogor egiten da l- gehigarri hutsa dela pentsatzea, protesiak gure hizkuntzan ezezagunak ez diren arren (cf. adibidez Iruñeko Beloso leku izena, elorri-tik; Jimeno & Salaberri, 2006: 146). Lesakan bada Lurrizti izeneko baserria, 1499an Lurriztia eta 1500ean Lurrizti zena (NTEM-IL, 229), eta irudi du normalena dela Etxalarkoa ere jatorri bereko toponimoa dela kontu egitea. // Pentsa dezakegu hasierako l- hori noizbait egon zen aspirazioaren ondorena dela? Ez dirudi. Zernahi gisaz, bigarren osagaia ederra adjektiboa da eta honek ez du oinarrian hurrizti ikustearen kontra hitz egiten (cf. Andimendiko Fagadieder egun, Bagadi ederra 1785ean, NTEM-XVIII, 36). Bertze toponimo batzuetan, ordea, hurritz dago Etxalarren berean, ez *lurritz; cf., adibidez, Urritzokieta. // Zernahi gisaz, etxalartarrek Meaka auzoa ibiltzen dute normalki, ez Lurriztiederra. Mehaka izen arrunta da, ‘bide meharra, bereziki mendi artekoa' erran nahi duena, eta, itxuraz, izen bereko oikonimoan dago oinarritua auzoaren deizioa.
(...)