Leku-izenak

(...)
[-Eta gure eskualdean. Ageza] Olibo 'olibondoa' eta -eta ditugu hemen, eta 'olibo multzoa' adiera bide dauka oraingoan.
(...)

(...)
Olibo 'olibondoa' eta -eta atzizkia ditugu toponimo honetan. Beste batzutan La Presa izenpean azaltzen den bera dela dirudi. Olibeta toki-izena arrunta da gure alderdian, eta Eslaba, Galipentzu, Leatxe eta Morionesen ere aurkitu dugu. Uxueko La Oliveta-k beste jatorri bat duela uste dugu (ikus sarrera hau). Antzinako Olibeta-ren ondoan, bertan olibondo errenkada bat izateagatik La Rea izena hartu duen eremua dago (ikus sarrera hau), eta baliteke bi toponimook alderdi bat bera izendatzea.
(...)

(...)
Egun La Presa ez da toki-izena, baina gorago Barranco de Zabala deritzanari Barranco de la Presa esaten zaio inguru honetan, eta errege bidean dagoen zubiari El Puente de la Presa. Zubi honen azpian ur-jauzi bat dago, eta orain uharkarik ez badago ere, La Presa izenak garbi erakusten du lehen bazela eraikuntza horietako bat. Zubia Galipentzubidea-ren eta Lerga-Eslabatik Zangoza aldera doan errege bidearen elkargunean (bidegurutzean) dago, behialako uharka zegoen tokian hain zuzen ere.
(...)

(...)
[-Eta gure eskualdean] Toponimo guzti hauen azterketatik honako ondorio hauek atera ditzakegu: [...] 9.-Aniztasuna / batekotasuna Ikusi ahal izan dugunez -eta (-keta, -kieta) atzizkiak aniztasuna adierazten du batzutan, eta honekin batera, C. Barojak dioenez, lekua: Aizketa (Uxuen), Berroberrieta (Leatxen), Buraleta (= Los Burales, Zaren), Kiñueta (Zaren. Cf. Hor barnako Los Quiñones ezaguna), Liatzeta ('Los Linares', Galipentzun), Olibeta (Ageza, Eslaba...) [Cf., gainera, Etxalekuko Errikogaztañeta, itxura guztien arabera 'herriko gaztainadia' adiera duena].
(...)