Leku-izenak

(...)
Auzoa / Barrio: ED50 30T X.491942, Y.4771073, alt. 225 m. // Bost etxe dira, Repilla izeneko kontzejuko auzo nagusiaren goialdean daudenak, parrokiaren gainean hain zuzen ere. Garai batean iturri bat egon omen zen hor eta Fuente de Urteaga esaten zitzaiola gogoratzen dute bertako nagusiek. Etxe horietara joateko Erretesko gunera joateko bide bera segitu behar da, Lantenotik Erbi eta Lexartzura doan A-3630 errepidea, alegia. Zubia gurutzatu ondoren, Repillan sartzen den bidea hartuko dugu eta eliza nagusia igarota erdietsiko dugu auzoaren goialdea. // Jadanik 1779an gaurko ahozkoaren moduko Urtiaga forma dokumentatzen da eta Madozek (1845-1850) ere horrela eman zuen arren, herriko kartografian Urteaga ageri da, agian era etimologikoagoa. Mitxelenaren iritziz [17 1997, 582, 157. or.] euskarazko hitz eratorria da, batetik, ur duena eta, -te atzizkia jasota ‘uholdea’ esan nahia hartzen duena. Ondoren, hainbestetan erabiltzen den -aga toki-atzizkia ere jaso du. ‘Uholdeen tokia’ esan nahiko luke, beraz
(...)