Leku-izenak

(...)
Kontzejuko auzoburua / Capitalidad del concejo: ED50 30T X.491940, Y.4771181, alt. 220 m. // Kontzejuko etxe-talderik garrantzitsuena da, San Andres Apostoluaren parrokiaren inguruan kokatua. Ibaizabalen ibilbidea segiturik Lantenotik Erbira zein Lexartzura doan A-3630 errepidearen ezkerraldean dago. Campoiza auzoa eta eskuinetik Opellorara doan bidegurutzea igaro ondoren, zubi bat zeharkatu eta Repillako lehenengo etxeak izango ditugu aurrean. Auzoak hegoaldeko maldan gora jarraitzen du eta errepidea, ordea, ibaiaren ondotik hego-mendebalderantz doa. // 1779ko agirietan Repilla bezala ageri da auzo honen izena eta Madozek ere (18451850) forma hori bera ematen du. Gaur egun bertakoek ez dute izen hori ezagutzen eta Revilla erabiltzen dute La Iglesia forma arruntagoarekin batera. Repilla forma (h)arri eta pilla hitzez osatutako euskal toponimoa izan liteke, ondoren, Revilla forma modernoagora mudatuko zena -pezpainbikaria -bozen bilakatuta, seguruenik herri etimoan oinarrituta, erdal villa ‘hiribildua’ hitzaren eratorria den gaztelaniazko Revilla toponimo ugariarekin identifikatuko zuelako jendeak. Guztiarekin ere, ez litzateke harritzekoa izango, jatorriz *Larrepilla edo antzekoren bat izatea ere, eta hitzaren hasierako larre hori eskribauek La Re-... bihurtu izana, La Rea (Larrea), La Rinaga (Larrinaga), La Reineta (Larraineta) eta halako kasuetan bezala
(...)